Эрдўғон Қиличдорўғли билан баҳслашишдан бош тортди: Муҳокама қиладиган ҳеч нарсамиз йўқ

Туркия президенти Ражаб Тоййиб Эрдўғон бирлашган мухолифат номзоди Камол Қиличдорўғлининг теледебат ўтказиш таклифини рад этиб, уларда гаплашадиган ҳеч нарса йўқлигини таъкидлади. Бу ҳақда у CНН Турк ва Канал Д телеканалларига берган интервюсида айтиб ўтди.

Киличдароғлу пайшанба куни республиканинг амалдаги раҳбарини "Эрдоғаннинг террорчилар билан ҳамкорлигини" исботлаш учун теледебатга чақирди. Эрдўғон, агар Киличдорўғли террористлар билан ҳамкорлик қилганини исботлай олмаса, демак у “инсофсиз одам” деди.

“Энди у мени телевизорга чақиради. Мен билан нима ҳақида гаплашасиз? Унинг ҳеч қандай ютуқлари, қарашлари йўқ. Сиз билан Оқмейдана (Истанбул) туманидаги Ижтимоий суғурта бўлими касалхонасини муҳокама қилсам бўладими? Ёки сайловда ҳатто 1 фоиз овоз ҳам олмаганларга парламентдаги 40 ўринни қандай бериб қўйганингиз ҳақида гапирайлик?”. - деди Эрдўған.

Киличдароглу ХХ асрнинг 90-йилларида Ижтимоий суғурта департаментини бошқарган.

Туркиянинг амалдаги президенти Тойиб Эрдўғон президентлик сайловларининг биринчи босқичида 49,52 фоиз, унинг етти мухолифат партиясидан рақиби Камол Қиличдорўғли 44,88 фоиз овоз олган. Президентлик сайловининг иккинчи босқичи 28-майга белгиланган.