Бу йил Эгей денгизида 16 мингга яқин ноқонуний муҳожир қутқарилди
Туркия қирғоқ қўриқлаш хизмати кемалари Грециядан мажбуран чиқарилган муҳожирлар ва қочқинларга ёрдам кўрсатишда давом этмоқда, дея хабар берди Анадолу агентлиги.
Йил бошидан бери Туркия қирғоқ қўриқлаш хизмати 16 мингга яқин ноқонуний муҳожирни қутқарди. Юнонистон томони талон-тарож қилган муҳожирлар баъзида қутқарув жилетларисиз очиқ денгизда қолиб кетишади, уларнинг ягона умиди Туркия қирғоқ қўриқчиси.
Агентлик маълумотларига кўра, Туркия қирғоқ хавфсизлиги бўлинмалари 2022 йилнинг 1 январидан 30 сентабргача Чанаккале, Баликесир, Измир, Айдин ва Муғла провинциялари қирғоқларида 15 932 нафар ноқонуний муҳожирни қутқарган.
Бундан ташқари, кемаларининг двигатели ишламай қолган ва чўкиб кетган 1794 нафар ноқонуний мигрант қирғоққа олиб чиқилди.
Бундан ташқари, жорий йилнинг 9 ойи давомида 18 нафар ноқонуний мигрантларнинг жасади топилган, мигрантларни ноқонуний ташиш билан шуғулланган 98 нафар шахс қўлга олинган.
