Британиядаги мусулмонларга қарши тартибсизликлар ортида сионистлар турибдими?

Буюк Британияда 30 июлдан буён ўта ўнгчи аксил-мусулмонлар ва муҳожирларга қарши намойишлар етакчиси Томми Робинсон АҚШнинг сионистик ташкилотлари томонидан молиялаштирилади. Ўзини «сионист» деб таърифлаган Робинсон қарийб 20 йилдан бери Британияни Ислом босиб олиши ҳақида нутқлар қилиб, мусулмонларни ҳақоратловчи баёнотлар бериб келмоқда.

Таъкидланишича, Робинсонга молиявий ёрдам кўрсатувчи гуруҳларнинг аксарияти исроилни қўллаб-қувватловчи Америка миллатчиларига тегишли.

Филаделфияда жойлашган Яқин Шарқ Форуми (МEФ) Робинсоннинг энг йирик молиячиларидан бири ҳисобланади. МEФ раҳбари Даниел Пипс Тҳе Тимес оф Исраэл газетасига Робинсонни ҳимоя қилиш учун атиги учта намойиш учун 60 минг доллар сарфланганини тасдиқлади.

Ню-Ёркдаги Гатестоне институти тадқиқот маркази Робинсонни ҳимоя қилиш учун қатор мақолалар чоп этди. Калифорнияда жойлашган Девид Хоровитз Озодлик Маркази (ДҲФC) ҳам Робинсонни ҳимоя қилувчи бир қатор мақолалар чоп этди ва унинг америкалик сиёсатчилар билан чиқиши учун лоббичилик қилди. МEФ ҳам, Гатестоне ҳам ўзини «қизиққон сионист» деб атаган ва Гатестоне институтига асос солган америкалик яҳудий аёл Нина Розенвалд томонидан молиялаштирилади. Бу таҳлил марказлари бир неча бор Ғарбда исломга қарши кайфиятни қўзғатганликда айбланган.

Ижтимоий тармоқларда 7-октабрдан бери исроилни ҳимоя қилиш мақсадида постлар ёзишда давом этган Робинсон бунинг учун доимий пул олади.

Бирлашган Қиролликдаги ўта ўнглар норозиликларини АҚШдаги сионистлар лоббиси ҳамда исроилдаги сионистлар қўллаб-қувватламоқда. Қуддус мерининг ўринбосари ва аҳоли пунктлари бўлими бошлиғи Аре Кинг ижтимоий тармоқларда мусулмонларга қарши ҳужумларни қўзғатувчи постлар жойлаштирди. Кинг ўз постларида мусулмонлар Англияда ҳокимиятни қўлга киритган деган даъвони ҳимоя қилиб, провокациялар уюштирмоқда.

Британия полицияси намойишларнинг дастлабки кунларида қаршилик учун етарли бўлмаганига, ҳукумат «доимий армия» ажратишга мажбур бўлди. Намойишларга тезкорлик билан қаршилик қилиш учун махсус тайёрланган 6 минг полициячи ҳозирланди. Ижтимоий тармоқларда йиғилиш режаларини кузатаётган полиция дарҳол намойишларга қаршилик қилишга муваффақ бўлди. Ўта ўнгчилар зўравонликлари давом этар экан, полиция янги ташкилотга алоқадор 400 дан ортиқ одамни аллақачон ҳибсга олганини эълон қилди.