Болтиқбўйи минтақасида хавфсизлик ёмонлашмоқда: Финляндия НАТОга катта қадам ташлади
Финляндия президенти Саули Ниинистё бугун альянсга кириш ҳақидаги қонунларни имзолади. Шундай қилиб, эндиликда ҳарбий блокка қўшилиш учун барча зарур миллий ҳужжатлар ратификация қилинди.
Альянсда янги аъзоларнинг пайдо бўлиши мавжудларнинг розилигисиз мумкин эмас. Бугунги кунга қадар 30 та давлатдан 28 таси Финляндиянинг НАТОга аризасини маъқуллади, Венгрия ва Туркия бундан мустасно.
Айни пайтда бугун Анқарада Туркия парламентининг тегишли комиссияси Финляндиянинг НАТОга аъзолиги ҳақидаги протоколни ратификация қилди. Парламент уни уч кун ичида тасдиқлаши кутилмоқда.
Будапештдан олинган маълумотларга кўра, венгрия қонунчилари келаси ҳафта бошида ушбу масала бўйича овоз беришади.
Москвада Хелсинкининг НАТОга қўшилиш қарори мувозанатсиз деб ҳисобланади. Россия Ташқи ишлар вазирлиги вакили Мария Захарова бугун яна бир бор таъкидладики, бу қадам Болтиқбўйи минтақасини ҳарбийлаштиришга ёрдам беради ва Европадаги ҳарбий-сиёсий вазиятни кескинлаштиради.
