БМТ Эфиопиядаги гуманитар миссиясини тўхтатиб қўйди. Нега?

БМТ Эфиопиядаги гуманитар миссиясини тўхтатиб қўйди. Нега?

Бирлашган Миллатлар Ташкилоти ва бошқа гуманитар ёрдам гуруҳлари ҳамда ташкилотлари Эфиопияда, минтақавий Гамбелла штатида икки гуманитар ходимнинг ўлимидан сўнг ўз фаолиятини тўхтатди.

АҚШнинг Эфиопиядаги инсонпарварлик ёрдами бўйича координатори Стивен Уом Омамо Эфиопия ҳукуматига, АҚШ ва БМТнинг ёрдам операциялари минтақада хавфсизлик яхшиланмагунча ва гуманитар миссиялар учун хавфсиз операцияларни кафолатламагунча тўхтатилишини билдирган. Бу ҳақда Эфиопиянинг «Selamta» ахборот агентлиги хабар бермоқда.

Американинг «Очликка қарши кураш» хайрия ташкилоти Гамбеллада навбатчилик қилиш пайтида унинг икки ходими ўлдирилганини маълум қилди. Улар Эфиопиянинг ғарбий қисмидаги Нгуениел қочқинлар лагери томон кетаётган эди. Жабрланганларнинг шахси уларнинг оилалари хабардор қилинмагунча ҳозирча ошкор қилинмаяпти.

Омамонинг айтишича, унинг раҳбарияти штатда хавфсизлик чораларини фавқулодда таъминлаш бўйича Эфиопиянинг минтақавий ва федерал ҳокимиятлари билан маслаҳатлашмоқда. Сўнгги бир неча ой ичида Гамбелла ва Эфиопиянинг бошқа қисмларида этник зўравонликлар кўпайиб, мамлакат ичида қочқинларнинг катта оқими пайдо бўлишига сабаб бўлди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!