БМТ Бош котибининг ўринбосари: Инсон бўлмаганлар қаттиқ жазоланиши керак

Бирлашган Миллатлар Ташкилоти Бош котиби ўринбосари, ташкилотнинг Террорга қарши кураш бошқармаси раҳбари Владимир Воронков "Крокус Сити Холл"даги терактни содир этган ноинсонийлар қаттиқ жазога тортилиши кераклигини айтди.

Бу ҳақда РИА Новости хабар бермоқда.

Бундан ташқари, Воронков ушбу терактни кескин қоралашини таъкидлади.

“Терроризмнинг ҳеч қандай оқлови йўқ... Террорчилар томонидан бегуноҳ одамлар: болалар, аёллар, эркаклар ваҳшийларча ўлдирилиши мени ҳайратда қолдирди”, — деди Бош котиб ўринбосари.