Бектемир Мелиқўзиев очиқ машғулотда иштирок этди

Профессионал боксчимиз Бектемир Мелиқўзиев (13-1, 10 КО) 20 апрель (бизнинг вақт билан 21 апрель тонги) куни ўзининг 15-жангини ўтказади.

Иккинчи ўрта вазн тоифасида WBA Inter-Continental камари соҳиби бўлиб турган чарм қўлқоп устамиз шу куни франциялик Пьер Юбер Дибомбе (22-0-1, 12 КО)га қарши рингга кўтарилади. Бўлажак жангда Мелиқўзиев ўзига тегишли камарни ҳимоя қилади. Бугун у расмий очиқ машғулотда иштирок этди.

Маълумот учун, Нью-Йоркда ўтадиган катта бокс оқшомининг марказий жанги биринчи яримўрта вазн тоифаси чемпионлиги учун Девин Хейни ва Райан Гарсия ўртасида бўлиб ўтади. Ушбу проф бокс оқшоми DAZN PPV пуллик платформасида трансляция қилинади.