Байден ва Зеленский қачон учрашиши маълум бўлди

Сиёсат / Кирманг / Хориж
A A A
Байден ва Зеленский қачон учрашиши маълум бўлди

Июль ойи охирида Вашингтонда Украина Президенти Владимир Зеленский ва Америка раҳбари Жо Байден ўртасида учрашув бўлиб ўтиши режалаштирилган. Бу ҳақда Украина Ташқи ишлар вазири Дмитрий Кулеба айтиб ўтди, деб хабар берди РИА Новости.

"Украина 24" телеканали эфирида вазир бу Зеленскийнинг Украинадан келган катта делегациянинг АҚШга расмий ташрифи бўлишини таъкидлади. Кулебанинг сўзларига кўра, кенг кўламдаги кун тартиби режалаштирилган. Украина раҳбарининг ташрифи аллақачон тайёрланмоқда, "дастурнинг асосий элементлари" устида иш олиб борилмоқда. "Ва энг муҳими, биз аллақачон асосий келишувлар устида ишлаяпмиз", деб хулоса қилди Дмитрий Кулеба.

Аввалроқ, Украинанинг собиқ президенти ва Европа бирдамлиги партиясининг раҳбари Пётр Порошенко амалдаги давлат раҳбари Владимир Зеленский ва АҚШ президенти Жозеф Байденнинг Оқ уйда бўлиб ўтадиган учрашувини ташкиллаштиришда шахсан ўз ҳиссасини қўшганини айтганди.

Киритилди: 03:06 12.06.2021. Ўқилди: 2038 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!