Бахмутдаги муваффақиятсизлик туфайли рус генерали қўмондонликдан четлаштирилди

Россия Мудофаа вазирлиги Украинада жанг қилган генерал-лейтенант Андрей Сичевни қўмондонликдан четлаштирди.

Бу ҳақда АҚШ уруш тадқиқотлари институти маълум қилди, деб ёзади “Report” .

Бунга рус қўшинининг Бахмут йўналишида муваффақиятсизликка учрагани сабаб бўлганлиги маълум қилинди.

Ҳозирда у Россия армиясида қандай лавозимни эгаллагани номаълум.

Эслатиб ўтамиз, 2022-йилнинг 20-июлида А.Сичев Украинадаги операцияларда Россия Қуролли кучларининг Ғарбий ҳарбий округи жойлаштирилган қўшинлари қўмондони этиб тайинланган эди. У бу лавозимда генерал-полковник Александр Юравлёвни алмаштирди.

Кейинчалик А.Сичев Донетск вилоятидаги операциялар қўмондони этиб тайинланган.