Арманистонда мухолифат йўлларни тўсмоқда

Арманистонда норозилик намойишлари давом этмоқда. Ҳукуматга қарши митинглар иштирокчилари, асосан, «Ватан номи учун» мухолифат ҳаракати тарафдорлари йўлларни тўсишга киришдилар.

Улар Еревандаги Улнеци кўчаси ва Ереван-Аштарак йўлини тўсиб қўйган. Полиция намойишчиларни ҳибсга олишни бошлади.

Аввалроқ, Арман Апостол черковининг Тавуш епархияси раҳбари, епископ Баграт Галстанян Никол Пашиняннинг истеъфосини талаб қилиб, Озарбайжон билан чегарани делимитация қилиш ва бир қанча чегарадаги қишлоқларни Озарбайжон томонига ўтказишга қарши кенг кўламли намойишлар ўтказишга чақирган эди.