АҚШда ўлимга ҳукм этилган энг ёш инсон ким эди?

Жорж Стинней АҚШда ўлимга ҳукм этилган энг ёш инсон эди.

У электр токига уланган стол орқали қатл этилганида 14 ёшда бўлган. У суд жараёнида ва ижро кунига қадар ўзининг айбсизлигини даъво қилиб, ҳар доим қўлида Инжил олиб юрарди.

Жорж 11 ёшли Бетти ва 7 ёшли Мери исмли оқ танли қизларни ўлдиришда айбланган.

Ўша пайтда судяларнинг ҳаммаси оқ танли эди. Суд фақат икки соат давом этди ва 10 дақиқадан сўнг жазо ҳукми ўқиб эшиттирилди. Ўша пайтда боланинг оиласини қўрқитиб, шаҳардан ҳайдаб чиқаришганди.

Ижродан олдин Жорж, ота-онасини кўрмасдан 81 кун яшади. Шаҳардан 80 километр узоқдаги ҳужрада ёлғиз тутқунликда сақланди. Ота-онасининг ва адвокатнинг иштирокисиз ёлғиз эди.

Сўнг бошига 5,380 волт электр токи берилди.

Ниҳоят 70 йил ўтиб, айбсизлиги Жанубий Каролиналик судя томонидан исботланди. Бола айбсиз бўлган, унинг ягона айби қора танли эканида эди.

Стивен Кинг бу воқеадан илҳомланиб 1996 йилда "Яшил маскан" (The Green Mile) номли асарни ёзди. Кейинчалик асар асосида ишланган фильм дунё юзини кўрди.