АҚШ маъмурияти исроиллик ҳарбийларга қарши санкциялар жорий этишга ҳозирлик кўрмоқда
АҚШ маъмурияти ишғол остидаги Ғарбий Соҳилда хизмат қилаётган исроиллик ҳарбий хизматчиларга қарши санкциялар жорий этишга тайёрланмоқда.
Исроил давлат телевиденияси КАNнинг айтишича, АҚШ маъмурияти Исроилни кўчманчиларнинг фаластинликларга нисбатан зўравонлигидан бир неча бор огоҳлантирган, аммо Тель-Авив маъмуриятининг жавоби адекват бўлмаган.
Хабарда, Қўшма Штатлар Ғарбий Соҳилдаги кўчманчилар зўравонлиги билан боғлиқ савол ва талабларига 60 кун ичида Исроилдан жавоб ололмаса, Исроил армияси аъзолари, жумладан, оддий аскар ва қўмондонларга қарши санкциялар жорий этиши қайд этилган.
Ушбу маълумотларга кўра, Исроил Байден маъмуриятининг таҳдидларини жиддий қабул қилмоқда ва санкциялар армия расмийлари, парламент аъзолари ва вазирларга ҳам тегишли бўлиши мумкинлигига тайёргарлик кўрмоқда.
АҚШ Давлат департаменти 1 февраль куни эълон қилган баёнотда, босиб олинган Ғарбий Соҳилдаги тўрт экстремистик яҳудий кўчманчига «зўравонлик ҳаракатларида қатнашгани» ва «фаластинликларни ўлдиргани» учун санкция қўйилгани айтилган.
