Aнглияга тушган метеорит сайёрамиздаги сувнинг келиб чиқиши ердан ташқаридалиги ҳақидаги назарияни тасдиқлаши мумкин

Олимлар ўтган йилнинг февраль ойида Ерга тушган Винчкомб метеоритини ўрганишнинг биринчи натижаларини эълон қилди.

Маълум бўлишича, метеорит ичида Ердаги каби сув мавжуд бўлган. Бу охир-оқибат ҳаётни келтириб чиқарган асосий кимёвий моддалар сайёрамизга миллиардлаб йиллар олдин коинотдан олиб келинган деган назарияга ишонч беради.

Баъзи олимларнинг фикрига кўра, ёш Ер шунчалик иссиқ эдики, у сувнинг кўп қисмини қуритиб ташлаши керак эди. Агар бугунги кунда Ернинг қарийб 70 фоизини океанлар қоплаганини инобатга олсак, бу сув кейинроқ пайдо бўлган бўлиши керак.