"Ал-Қоида" ўзининг Шимолий Африкадаги янги етакчисини тайинлади

"Ал-Қоида" ўзининг Шимолий Африкадаги бўлимига янги раҳбарни танлади. Бундан олдинги раҳбар Абделмалек Дроукдел июнь ойида француз кучлари томонидан ўлдирилганди, деб хабар берди SITE кузатув ташкилоти.

"Ал-Қоида"нинг Шимолий Африкадаги «Обрўли одамлар кенгаши» раҳбари бўлган жазоирлик Абу Обида Юсуф ал-Аннаби Дроукделнинг вориси деб эълон қилинган.

Маълумотларга кўра, Ал-Аннаби 2015 йил сентябрида Американинг «халқаро террорчилар» қора рўйхатига киритилган. У мунтазам равишда Ал-Қоиданинг ташвиқот видеоларида қатнашиб келади. У 2013 йилда Франциянинг Малига бостириб киргани учун мусулмонлар ундан қасос олиши кераклигини талаб қилган.