Видео: Владимир Путин гўзаллар қуршовида рақсга тушмоқда
Россия президенти Владимир Путиннинг АҚШнинг собиқ президенти кичик Жорж Буш билан «Судариня-бариня» қўшиғига рақсга тушгани акс этган архив видео Россия президенти матбуот хизмати томонидан эълон қилинди. Бу ҳақда "Дарё" нашри ёзмоқда.
Маълум қилинишича, мазкур видео икки давлат раҳбарининг 2008 йил апрелдаги учрашувида суратга олинган. Бу АҚШ кичик Жорж Бушнинг Россияга охирги ташрифи бўлган. Ўша йилнинг ноябрида Барак Обама АҚШнинг 44-президенти этиб сайланган.
Видеода Путин саҳнада хоровод билан, Буш эса пастда раққосалардан бири билан рақсга тушаётганини кўриш мумкин.
Ушбу ролик Путиннинг Россия президенти ва бош вазир лавозимларидаги фаолиятининг 20 йиллигига бағишланган лойиҳа доирасида эълон қилинди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
