Украинада Зеленскийга импичмент эълон қилиниши мумкин

"Оппозиция платформаси – ҳаёт учун" фракцияси Украина Президенти Владимир Зеленскийга импичмент эълон қилиш ташаббуси билан чиқди. Бу ҳақда депутат, оппозиция партиясининг ҳамраиси Вадим Рабинович хабар берди, деб ёзмоқда "Интерфакс".

"Бугун мустақил Украина тарихида биринчи марта учта етакчи телеканал бирдан ўчирилди. Яқин келажакда биз шошилинч партия съездини ўтказамиз, бу бизнинг кейинги қадамларимизни белгилайди. Биз сайловчиларни масхара қилган Президент Зеленскийга нисбатан мамлакатга импичмент эълон қилиш тартибини бошламоқдамиз", – деди Рабинович.