Украина ташқи ишлар вазири Дмитрий Кулеба нега амалидан воз кечди?

Украина ташқи ишлар вазири Дмитрий Кулеба истеъфога чиқиш ҳақида ариза берди, деди парламент спикери. Бу қарор ҳукуматдаги катта ўзгаришлар олдидан амалга оширилмоқда.

Украина ташқи ишлар вазири Дмитрий Кулеба ҳукумат таркибидаги йирик ўзгаришлар доирасида истеъфога чиққан мамлакат Вазирлар Маҳкамасининг сўнгги аъзоси бўлди, деб хабар қилди чоршанба куни парламент спикери Руслан Стефанчук.

Стефанчукнинг айтишича, қонунчилар сўровни тез орада муҳокама қилишади. Одатда расмиятчилик сифатида қабул қилинадиган парламент овози кун охиригача кутилади.

43 ёшли Кулеба ўз мактубида ўз ҳаракатига ҳеч қандай сабаб келтирмаган.

Сешанба куни бир нечта вазирлар истеъфога чиқди, президент Владимир Зеленский Россия босқинининг давом этаётгани шароитида ҳукуматни мустаҳкамлаш ва Киев мақсадларига эришиш учун ҳукумат таркибидаги ўзгаришлар зарурлигини айтди.

«Куз Украина учун ўта муҳим бўлади. Ва бизнинг давлат институтларимиз шундай тузилган бўлиши керакки, Украина барчамиз учун зарур бўлган барча натижаларга эришади», деди у сешанба куни.

Ўзгаришлар вақтида вазирларнинг ярмидан кўпи кетиши кутилмоқда.