Трампнинг ўғли Обамани “энг яхши сотувчи” деб атади

Америка Қўшма Штатлари собиқ президенти Барак Обама Американинг "энг яхши сотувчиси" эди, дейди америкалик раҳбар Дональд Трампнинг ўғли. "Албатта, у (Обама) бизнинг энг яхши сотувчимиз", дейди кичик Трамп.

Унинг сўзларига кўра, барча "ақлли" одамлар аввалги АҚШ президентининг АҚШ иқтисоди ва ташқи сиёсати учун ҳеч қандай арзирли иш қилмаганини яхши тушунишади. У Обаманинг барча ҳаракатларини АҚШни хавф остига қўйиб, мамлакатни заифлаштирганини таъкидлади.

"Ҳар сафар Обама “қизил чизиқ" тортганида, бошқа давлатлар уни жимгина кесиб ўтганлар", дейди президентнинг ўғли. "Энди шаҳарда янги шериф бор. Биз ҳамма нарсани ўзгартирдик",  деб қўшимча қилди у.