Тоқаев: Яқин ўн йиллик – Марказий Осиё учун ҳал қилувчи давр
“Казахстанская правда” газетаси “Марказий Осиёнинг уйғониши: барқарор ривожланиш ва фаровонлик йўлида” мақоласи орқали Астанада бўлиб ўтган Марказий Осиё давлатлари раҳбарларининг навбатдаги Маслаҳат учрашуви муносабати билан Қозоғистон Президенти Қосим-Жомарт Тоқаевнинг фикрларига эътибор қаратган:
– Кейинги ўн йиллик минтақамиз учун ҳал қилувчи бўлиши аниқ ва бу тарихий имкониятдан қанчалик самарали фойдаланишимиз фақат ўзимизга боғлиқ. айтилади. Глобал геосиёсий нотинчлик шароитида биз минтақада ишонч ва умумий бўлинмас хавфсизлик маконини яратдик, минтақавий ҳамкорлик йўлидаги тўсиқларни олиб ташладик, кўп қиррали ҳамкорлигимизни сифат жиҳатидан янада юқори босқичга олиб чиқиш учун замин яратдик.
Марказий Осиё периметри бўйлаб давом этаётган мураккаб ҳарбий-сиёсий вазиятда мудофаа сиёсати ва хавфсизлик соҳасида ҳамкорлик зарур. Минтақавий хавфсизлик архитектурасини яратиш, жумладан Марказий Осиё учун хавф-хатарларнинг олдини олиш чора-тадбирлари каталогини ишлаб чиқиш алоҳида долзарб аҳамият касб этади.
Марказий Осиёда ажралмас хавфсизлик маконини шакллантириш, анъанавий ва янги таҳдидларга қарши курашнинг асосий масалаларини ҳал қилишда комплекс ёндашувларни излаш, муаммоларнинг олдини олиш ва тегишли масалаларни ҳал қилиш чораларини ишлаб чиқиш минтақа давлатлари учун асосий устувор йўналишлардир. Шунингдек, айни йўналида БМТ ва бошқа халқаро, минтақавий ташкилотлар билан фаол ҳамкорлик қилиш жуда муҳим.
