Термизда ҳарбийлар ўртасида вилоят ҳокими соврини учун ўтказилган танловларнинг ғолиблари тақдирланди

Жануби-ғарбий махсус ҳарбий округнинг Сурхондарё вилоятида хизмат ўтаётган ҳарбий хизматчилар ўртасида вилоят ҳокими соврини учун “Амир Темур ўғлонлари” ва “Жалолиддин Мангуберди ворислари” номли танловнинг ғолибларини тақдирлаш маросимига бағишланган тантанали тадбир Термиз шаҳрида жойлашган “Алпомиш” спорт мажмуасида бўлиб ўтди.

Унда вилоят ҳокими Тўра Боболов, Жануби-ғарбий махсус ҳарбий округ қўшинлари қўмондони полковник Зайнобиддин Иминов, округ қўшинлари қўмондони ўринбосари полковник Қодир Турсунов, масъул офицерлар, вилоят жамоат ташкилот ва муассасалари раҳбарияти, фахрийлар, спортчилар, ўқувчи ёшлар, таниқли хонандалар ва оммавий ахборот воситалари ходимлари иштирок этди.

Маросимни вилоят ҳокими Тўра Боболов очиб бериб, Мудофаа вазирлиги ҳарбий хизматчиларининг “Китобхонлик ва китоб мутолааси”, “От миниш маҳорати”, “Бахшичилик ва достончилик” ва “Тасвирий санъат” каби 4 йўналиш бўйича мусобақалардаги фаол иштироки, ёшларга Ватанни севиш, ҳарбий-ватанпарварлик, ҳарбий хизматчиларнинг профессионализми орқали яна бир карра ўрнак бўлганини эътироф этди.

Шундан сўнг, тантанали маросимнинг тақдирлаш маросими старт олди.

Бунга кўра, “Китобхонлик ва китоб мутолааси” йўналишида:

1-ўрин – лейтенант Жамшидбек Ҳошимов;

2-ўрин – катта лейтенант Шохруҳ Бобоҳусенов;

3-ўрин – муддатли ҳарбий хизмат оддий аскари Мирзоҳид Шоназаров.

“От миниш маҳорати” йўналишида:

1-ўрин – контракт бўйича ҳарбий хизматчи, оддий аскар Исломжон Мамасолиев;

2-ўрин – кичик сержант Отабек Ражабов;

3-ўрин – контракт бўйича ҳарбий хизматчи, оддий аскар Наврўз Эркинов.

“Бахшичилик ва достончилик санъати” йўналишида:

1-ўрин – капитан Азиз Матёқубов;

2-ўрин – кичик сержант Ҳусниддин Улуғов;

3-ўрин – контракт бўйича ҳарбий хизматчи, оддий аскар Салим Тўқсонов.

“Тасвирий санъат” йўналишида:

1-ўрин – контракт бўйича ҳарбий хизматчи, оддий аскар Юнусхўжа Болтахўжаев;

2-ўрин – сержант Шерзод Алитқулов;

3-ўрин – контракт бўйича ҳарбий хизматчи, оддий аскар Наргиза Насриддинова.

Ғолиблар вилоят ҳокимининг махсус дипломи, пул мукофоти ва  эсдалик совғалари билан тақдирланди.

Мудофаа вазирлиги Ахборот ва оммавий коммуникациялар департаменти