Telegram «жуда катта онлайн платформалар» чегарасидан ошиб кетган
Брюссел Telegram'нинг фойдаланувчилар сони тўғрисидаги аниқ маълумотларни тақдим этиш бўйича Европа Иттифоқининг янги қоидаларини бузиш эҳтимоли бўйича текширув ўтказмоқда.
Ҳуқуқий экспертлар мессенжер 45 миллион фойдаланувчи чегарасидан паст бўлиб қолиш учун Европа Иттифоқидаги мавжудлиги ҳажмини камайтирган, деб гумон қилмоқда. Ушбу чегарадан юқори компаниялар стратегик онлайн платформалар ҳисобланади ва Европа Иттифоқининг қатъий қоидаларига бўйсунади.
✍️ Февраль ойида Telegram Европа Иттифоқида 41 миллион фойдаланувчиси борлиги ҳақида хабар берган эди. Европа Иттифоқининг Рақамли хизматлар тўғрисидаги қонунига кўра, Telegram шу ойда янгиланган рақамни тақдим қилиши керак эди, бироқ буни аниқ рақамларсиз амалга оширмади ва фақатгина «Европа Иттифоқида ўртача ойлик фаол фойдаланувчилари 45 миллиондан сезиларли даражада кам» эканини айтди.
Европа Иттифоқининг икки амалдори янги маълумотларни тақдим этмаслик DSA қоидаларини бузиш деб ҳисобланганини айтди ва Европа Иттифоқи текшируви фойдаланувчилар сонининг «жуда катта онлайн платформалар» чегарасидан ошиб кетганини кўрсатиши мумкинлигини қўшимча қилди.
❕ Бундай белгилаш қоидаларга риоя қилиш ва контентни модерация қилиш, учинчи томон текширувлари ва Европа Комиссияси билан мажбурий маълумотлар алмашинуви бўйича катта мажбуриятларни талаб қилади, деб ёзади FT.
Европа Иттифоқи тергови Франциядаги кенг кўламли тергов билан параллель равишда олиб борилмоқда. Париждаги терговчилар мессенжер асосчиси Павел Дуровни шифрлаш калитларини ширкат разведка хизматларига беришдан бош тортгани сабабли жиноий фаолиятга шерикликда айбламоқда.
