Санкт-Петербург яқинидаги омборхонада кучли ёнғин содир бўлди

Душанба куни ўт ўчирувчилар Ленинград вилоятининг Всеволожск туманидаги омборхонада рўй берган йирик ёнғинни бартараф этди, деб хабар бермоқда Россия Фавқулодда вазиятлар вазирлиги матбуот хизмати.

Дастлабки маълумотларга кўра, ёнғин Мурино шаҳридаги ангар типидаги омборхонада бошланган. Ёнаётган хонада ёғоч ва бўёқ дўкони жойлашган эди.

Ёнғин майдони 1,5 минг квадрат метрга етди. Том қулаб тушди. Соат 21:35да ўт ўчирувчилар ёнғин тарқалишини тўхтатишга муваффақ бўлишди.

Жабрланганлар ҳақида маълумотлар ҳозирча келиб тушмаган, дея қўшимча қилди департамент.

Фавқулодда вазиятлар вазирлиги аввалроқ ёнғин қўшни омборларга тарқалиб кетиш хавфи борлигини таъкидлаганди. Айни пайтда ёнғин ўчирилган.

Ёнғинни ўчиришга 45 киши ва 11 та техника жалб қилинган.