Саломе Зурабишвили: Россия нафақат Украина, балки Грузиядаги босиб олинган ҳудудларни ҳам қайтаришга мажбур бўлади

Саломе Зурабишвили: Россия нафақат Украина, балки Грузиядаги босиб олинган ҳудудларни ҳам қайтаришга мажбур бўлади

Грузия президенти Саломе Зурабишвили Bloomberg'га берган интервьюсида Россия бутун урушда бўлмаса ҳам, деярли барча жангларда мағлуб бўлганлиги сабабли, Украинага қарши кенг кўламли урушини дипломатик йўл билан ҳал қилиш қўшинларини Абхазия ва Жанубий Осетиядан ҳам олиб чиқиш масаласини ўз ичига олиши кераклигини таъкидлади.

Унинг сўзларига кўра, Грузия масаласи музокаралар столида бўлиши шарт, чунки Россия босиб олинган барча ҳудудлардан чекинмагунча бу уруш тугайди, деган фикрни тан олиш мумкин эмас.

"Россия чегаралари қаердалигини билиб олиши керак", — деб таъкидлади Грузия раҳбари нафақат Россия–Украина, балки Россия–Грузия чегарасини ҳам назарда тутиб.

"Агар Ғарб Россия томонидан босқинчи қўшинларни тўлиқ олиб чиқиб кетишни талаб қилмаса, 2008 ва 2014 йиллардагидек яна бир катта хатога йўл қўйилади", — дея қўшимча қилди у.

Маълумот учун, 2008 йил август ойида рус қўшинлари Грузия ҳудудининг бешдан бир қисмини эгаллаб, Грузияга қўшин киритган эди. Шундан сўнг Россия Абхазия ва Жанубий Осетияни мустақил давлатлар сифатида тан олган, аммо халқаро ҳамжамият томонидан бу ҳудудлар тан олинмаган.

Россиянинг ўша пайтдаги президенти Дмитрий Медведев Россия армияси тинчликни сақлаш амалиёти ўтказаётганини даъво қилган.

Манба.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!