Россия Курск вилоятига қўшин киритмоқда
Россия Украина қўшинларининг Россия Федерациясининг Курск вилоятидаги ҳужумига жавоб бериш учун ўз қўшинларининг бир қисмини Украина ҳудудидан олиб чиқмоқда. Бу ҳақда The Wall Street Journal америкалик расмийларга таяниб ёзмоқда.
Уларга кўра, Украина Қуролли Кучларининг Россия ҳудудидаги операцияси рус қўшинларини Украинадан кенг кўламли босқинда иштирок этаётган бўлинмаларни олиб чиқишга мажбур қилмоқда.
Қайд этилишича, америкалик таҳлилчилар Курск вилоятига қанча қўшин киритилаётгани ва бу Украинадаги жанговар ҳаракатлар жараёнига қандай таъсир кўрсатиши мумкинлигини ҳозирча аниқламаган.
Украинанинг Таврия қуролли кучлари бўлинмаси матбуот котиби Дмитрий Лиховий аввалроқ Украина қўшинларининг Курск вилоятига кириши билан Россия қўшинлари Украинанинг Запорожье ва Херсон вилоятларидан нисбатан кичик қўшинлар контингентини олиб чиқиб кетишганини маълум қилган эди.
