Роналду Италияда кимлар билан рақобатлашмоқчи?

“Ювентус” ҳужумчиси Криштиану Роналду футболдаги рақобат ҳақида фикр билдирди.

“Месси? Йўқ, мен футболда ҳеч ким билан рақобатлашмайман. Мен футболдан умуман бошқа таассуротлар оламан. “Ювентус” билан ҳар бир ўйинда максимал натижа кўрсатишни, ғалаба қозонишни истайман.

Италия футболида рақобат кучли. Аммо мен ҳеч ким билан рақобатлашмоқчи эмасман. Менга ўхшаб “Милан” ёки “Наполи” клуби футболчилари ҳам ўз жамоаларига фойда келтириш учун ўйнашади. Ким кучли бўлишини ва ким, аслида, кучли эканлигини мавсум якунида билиб оламиз”, деди Роналду.