"Реал" бу пойгада "МЮ" ва "Ювентус"ни ортда қолдирмоқда
Мадриднинг “Реал” клуби Леверкузеннинг “Байер” клуби ҳимоячиси Жереми Фримпонгга қизиқиш билдирмоқда. 22 ёшли футболчининг трансфери учун курашда испан клуби етакчилик қилмоқда. Бу ҳақда Defence Central хабар бермоқда.
Фримпонг "Манчестер Сити" академиясининг битирувчиси бўлиб, у ерда тўққиз йилни ўтказган. 2019 йил сентябрида у “Селтик”га сотилди, 2021 йил январида эса “Байер”га ўтди. Умуман олганда, нидерландиялик футболчи Германия жамоаси таркибида 68 учрашувда 7 та гол урди ва 13 та голли узатмани амалга оширди. Томонлар ўртасидаги келишув 2025 йилда якунига етади.
Олдинроқ Жереми Фримпонгни "Ювентус" ва "Манчестер Юнайтед" ўз сафига қўшиб олмоқчи эканлиги ҳақида хабарлар тарқалган эди. Фримпонг ҳозирда Нидерландия терма жамоаси билан жаҳон чемпионатида иштирок этмоқда, бироқ у ҳозирча бирорта баҳсда майдонга тушмади.
