Қишки Универсиада-2021 бекор қилинди. Сабаби...

Швейцарияда ўтказилиши лозим бўлган 2021 йилги Қишки Универсиада ташкилий қўмитаси тадбир бекор қилинганини билдирди.

Хабар қилинишича, бу коронавируснинг янада хавфли деб ҳисобланаётган «омикрон» штамми пайдо бўлиши билан боғлиқ.

ЖССТ янги штаммни хавфли деб тоифалаганидан сўнг Швейцария ҳукумати мамлакатга киришга нисбатан чекловлар жорий этди. Ташкилотчиларнинг фикрича, тез орада киритилган чоралар янада кескинлашади.

Қишки Универсиада 11-21 декабрь кунлари Люцерн шаҳрида ўтказилиши режалаштирилганди.