Путин Хитойга қувур ўтказиш эвазига Мўғулистонга ёқилғи ва газга чегирмалар таклиф қилди

Россия Хитой томон «Сибир кучи-2» қувури қурилса, Мўғулистонга «арзон газ» етказиб бериш имкониятини кўриб чиқмоқда, деди президент Владимир Путин Мўғулистоннинг «Оноодор» газетасига берган интервьюсида.

Путиннинг сўзларига кўра, Мўғулистонга нефть маҳсулотларини чегирма билан етказиб бериш бўйича ҳам ҳукуматлараро келишув тайёрланмоқда.

«Мўғул дўстларнинг ёқилғига бўлган эҳтиёжни имтиёзли нархларда қондиришда ёрдам сўрашларига Москва доимо жавоб беради», деди Путин.

Унинг қўшимча қилишича, Россия ва Мўғулистонни «ўн йиллик самарали ҳамкорлик боғлаб туради» ва у билан ҳамкорликни ривожлантириш «Россия ташқи сиёсатининг устувор йўналишларидан бири бўлиб келган ва шундай бўлиб қолади».

2 сентябрь куни Путин сўнгги 5 йил ичида илк бор Мўғулистонга расмий ташриф билан келди. Мамлакат ўз ҳудудидан «Сибир кучи-2» қувури ўтиши керак бўлган минтақа. Кремлга кўра, лойиҳа қуввати йилига 50 миллиард куб метр бўлган янги қувур «Газпром»нинг Европа газ бозоридаги йўқотилишининг ўрнини босиши мумкин.