"ПСЖ" Неймарни янги мавсум режасига киритмади. Футболчи сотилмаса, ижарага берилади

«ПСЖ» агар бразилиялик футболчи Неймарнинг тўлиқ трансферини амалга оширмоқчи бўлган клуб топилмаса, ҳужумчини ижарага беришга тайёр. Бу ҳақда журналист Марсело Бехлер хабар бермоқда.

«ПСЖ» раҳбарлари Неймарнинг молиявий талабларини ҳамма жамоа ҳам қондира олмаслигини билишади. Шу муносабат билан парижликлар Неймарни ижарага бериш вариантини кўриб чиқишади.

«ПСЖ» раҳбарияти Неймарнинг ўйинидан мамнун эмас. Европа матбуотининг ёзишича, Париж клуби раҳбарияти футболчини 2022/2023 йилги мавсум режасига киритмаган.