Поп тумани ҳудудидан ўтган А-373 автомобил йўлида юк машинаси ёниб кетди
Бугун, 23-май куни соат 01:06 да Наманган вилояти Поп тумани “Садоқат” МФЙ ҳудудидан ўтган А-373 автомобил йўлининг 277.5 километрида “Водий-Тошкент” йўналишида ҳаракатланиб кетаётган “DAF” русумли юк автомобилида ёнғин юзага келган.
Шунга кўра 2 та ёнғин-қутқарув экипажи соат 01:47 да ҳодиса жойига етиб бориб, ёнғин соат 01:50 да қуршаб олинган ва соат 02:00 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).