Мисрда тилла тилли мумиё топилди

Биласизми?
A A A
Мисрда тилла тилли мумиё топилди

Миср шимолида олиб борилган қазилма ишлари пайтида археологлар тилла тилли мумиёни топди. Ушбу топилма 2000 йиллик тарихга эга деб ёзмоқда «Daily News Egypt» газетаси.

Мумиё Искандариядан ғарбдаги Тапосирис Магна ибодатхонасида яхши сақланмаган 16 та қабр орасидан чиққан. Топилма мамлакат тарихида юнон-рим даврида кенг тарқалган мисрликларнинг дафн маросимидан далолат бериб турибди. Олимларнинг маълум қилишича, қадимги Миср эътиқодларига кўра марҳум Ер ости худоси — Осирис билан суҳбатлаша олиши учун мумиё фольгадан ясалган олтин тил билан безатилган.

Бундан ташқари, бир гуруҳ олимлар папирус ёки зиғирнинг шувалган қатламларидан ясалган зарҳал қобиққа ўралган иккита мумиёни топдилар, деб ёзади «Smithsonian Magazine». Улардан биттасига кобра ва шохлар билан безатилган тож кийдирилган.

Киритилди: 07:16 18.02.2021. Ўқилди: 2066 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!