Медведев Учинчи жаҳон урушига олиб келиши мумкин бўлган сабабни айтди
Россиянинг собиқ президенти Дмитрий Медведев НАТОга аъзо давлатнинг Қрим ярим оролига ҳар қандай бостириб кириши Россияга уруш эълон қилиш билан баробар бўлиши мумкинлигини айтди, ва бу “Учинчи жаҳон уруши”га олиб келиши мумкин экан.
"Биз учун Қрим Россиянинг абадий бир қисми. Қримга бостириб киришга ҳар қандай уриниш мамлакатимизга уруш эълон қилишдир", деди Медведев "Аргументы и факты" ахборот сайтига.
"Агар бу НАТОга аъзо давлат томонидан амалга оширилса, бу бутун Шимолий Атлантика иттифоқи билан зиддият, Учинчи жаҳон уруши, улкан фалокатни англатади", деди у.
Ҳозирда Россия Хавфсизлик Кенгаши раиси ўринбосари лавозимидаги Медведев, шунингдек, Финляндия ва Швеция НАТОга қўшилса, Россия ўз чегараларини мустаҳкамлайди ва “жавоб беришга тайёр” бўлишини ва “Искандер” гипертовушли ракеталарини уларнинг “остонасида” ўрнатиш эҳтимолини кучайтириши мумкинлигини таъкидлаган.
