Малайзия БРИКСга қўшилиш ниятида
5 сентябрь куни Шарқий иқтисодий форумнинг (ШИФ) ялпи мажлисида Малайзия бош вазири Анвар Иброҳим унинг мамлакати БРИКСга қўшилиш ниятида эканлигини маълум қилди.
ШИФ ялпи мажлисидаги нутқида Анвар Иброҳим: “Малайзия БРИКСга қўшилиш тарафдори ва бу орқали биз иқтисодий дипломатия соҳасидаги саъй-ҳаракатларимизни диверсификация қилишга ва ташкилотга аъзо давлатлар билан ҳамкорликни мустаҳкамлашга интиламиз”, - деди.
Унинг таъкидлашича, БРИКСга қўшилиш мамлакатига бошқа давлатлар билан муносабатларни мустаҳкамлаш ва ўзаро манфаатли савдо алоқаларини ривожлантириш имконини беради.
Унинг фикрича, Малайзия глобал дунёнинг бир қисми ва бу мамлакат учун савдо алоқаларини ривожлантириш ва мустаҳкамлашда давом этиши муҳим. Малайзия глобал жанубни ривожлантириш ва бутун дунё бўйлаб савдо алоқаларини мустаҳкамлаш тарафдоридир. Жаҳон жануби ўртасидаги БРИCС алоқалари мамлакатга таъсир ўтказиш ва адолатли савдони кафолатлаш имкониятини беради. Анвар Иброҳим фикрича, бу нафақат Малайзияга, балки глобал жанубга ва бутун дунёга ҳам фойда келтиради.
Эслатиб ўтамиз, Шарқий иқтисодий форум 3-6 сентябрь кунлари Владивостокдаги (Россия) Узоқ Шарқ федерал университети кампусида бўлиб ўтяпти.
БРИКС 2006 йилда Бразилия, Россия, Ҳиндистон ва Хитой томонидан ташкил этилган. Жанубий Африка 2011 йилда қўшилган. 2024 йилнинг 1 январида Миср, Эрон, Бирлашган Араб Амирликлари, Саудия Арабистони ва Эфиопия гуруҳнинг тўлиқ аъзоси бўлди. Бу йил ассоциацияга Россия раислик қилмоқда.
