Коронавирус инфекцияси ич кетиши шаклида ўтиши мумкинми?
Бугун АОКАда Коронавирусга қарши кураш штаби аъзоси Шуҳрат Боймуродов иштирокида брифинг ўтказилди.
Брифингда аҳоли мурожаати ва саволлари юзасидан жавоб қайтарилди.
— Коронавирус инфекцияси ич кетиши шаклида ўтиши мумкинми?
— Албатта. Коронавирус касаллигининг кечишининг 12 тури бўлиб, унинг бири айнан ичак, овқат ҳазм қилиш тизими орқали кечадиган тури ҳисобланади. Шунинг учун ҳам ушбу ҳолат коронавирус инфекцияси туфайли ҳам бўлиши мумкин.
— Яқинда коронавирус инфекциясидан тузалдим. Буйрагим, бўғинларим ва белимда оғриқ бор. Касаллик асорати бўлиши мумкинми?
— Албатта бўлиши мумкин. Касалликни оғир ўтказган беморларда қоннинг қуюқлашиши, қонда С реактив оқсилнинг баланд бўлиши каби аломатлар кузатиляпти. Бундан ҳолатда тўлиқ текширувдан ўтиб, шифокор тавсияларини олиш зарур.