Исроил қамоқхоналарида ҳатто зўрлашни қонунийлаштиришга чақиришди
исроилнинг Исраэл Ҳаём газетасининг ўта ўнгчи журналисти Еҳуда Шлесингер чоршанба куни 12-каналда исроил қамоқхоналарида фаластинлик маҳбусларнинг зўрланишини оқлаб, бу амалиётни миллий амалиётга айлантиришга чақирди.
«Ягона муаммо шундаки, бу маҳбусларга нисбатан ёмон муносабат стандарт давлат сиёсати эмас», дея шикоят қилди журналист исроил телевидениесида. «Чунки улар бунга жудаям лойиқ ва бу глобал қасосдир.»
Кейинчалик, бир кун ўтгач, бу журналист 103ФМ радиостанциясига танқидларга қолгани сабабли «бу хато бўлганини» айтиб, сўзларини қайтариб олди.
«Мен хато қилдим. Жиноий ҳаракат оқланмаслиги керак», деган журналист.
Жинсий тажовуз бўйича қилинаётган тергов ўта ўнг экстремистлар, ҳатто Кнессет аъзоларининг норозилигига ҳам сабаб бўлди. Бир кун олдин исроилнинг Чаннел 12 телеканали гуруҳли зўрлаш бўйича иш очгандан сўнг, исроиллик ҳарбийлар «исроилнинг Гуантанамоси» лақабли Сде Тейман базасида фаластинлик маҳбусга жинсий тажовуз қилгани айтилган кузатув видеосини эълон қилди.
Давлат бу ҳақидаги кўплаб хабарларга жавоб бермади, фақат бундай хабарларнинг барчаси текширилаётганини айтган холос.
