Исроил Ҳаниянинг ўлдирилишида Оқ уйни жавобгар қилди
The Washington Post газетасининг даъво қилишича, Исроил Оқ уйга Хамас сиёсий бюроси раиси Исмоил Ҳаниянинг ўлдирилиши учун жавобгар эканлигини маълум қилган.
Газетанинг Оқ уйга яқин манбаларига таяниб ёзишича, парда ортида АҚШ ва Исроил ўртасидаги зиддият кучайиб бормоқда. Оқ уй расмийлари Ҳаниянинг ўлдирилишини «Ғазода ўт очишни тўхтатиш учун бир неча ой давом этган изланишларидаги муваффақиятсизлик» сифатида баҳоламоқда.
Ҳания Эронда ўлдирилганидан сўнг, Исроил Оқ уйга ўзининг қотиллик учун жавобгар эканлигини айтди ва Тел-Авив қотиллик ҳақида қўшимча изоҳ беришдан бош тортди.
Оқ уй расмийлари Ҳаниянинг ўлдирилишига «ҳайрат ва ғазаб» билан муносабат билдирди.
Хабарда ушбу масала бўйича музокаралар мазмуни билан таниш бўлган баъзи АҚШ расмийларига таяниб, «(Жо) Байден Исроилни ушлаб туриш учун ҳарбий ёрдамни шартлаш ёки чеклаш каби жиддий босимни қўллашга тайёр эканлигига ҳеч қандай маълумот йўқ.
Ҳисоботда, шунингдек, исми ошкор этилмаган бир неча юқори мартабали АҚШ расмийларининг «Исроилнинг Ҳизбуллоҳ етакчилари ва Эрон қўмондонларига АҚШни огоҳлантирмасдан ҳужум қилиши Байден ва баъзи расмийларни ғазаблантиргани»ни таъкидлаган.
- Эронда Хамас Сиёсий бюроси раҳбари Ҳаниянинг ўлдирилиши
Эрон Ислом инқилоби қўриқчилари корпуси (ИРҚК) 31 июль куни эрталаб Теҳронда Эроннинг янги президенти Масуд Пезешкияннинг инаугурация маросимида иштирок этиш учун Теҳронда бўлган Ҳания қароргоҳига ҳужум уюштирилганини маълум қилди.
Эрон ва ҲАМАС қотилликда Исроилни айблади.
