Ғиждувонда ижтимоий тармоқ ўғриси фош этилди
Ғиждувон тумани Айиртом маҳалласида яшовчи, 1965 йилда туғилган Э.З. нинг турмуш ўртоғига тегишли бўлган “Халқ банки” филиали томонидан берилган пластик карточкасига “клик” тизими ўрнатилганлиги, картанинг “смс” хабарномаси эса унинг “Билайн” уяли алоқа компанияси томонидан расмийлаштириб берилган телефон рақамига уланганлиги учун 2021 йил 02 июн куни номаълум шахс унинг ушбу телефон рақамига қўнғироқ қилиб, ҳозирда пластик карталардан кўплаб ўғрилик жиноятлари содир этилаётганлигини айтиб, банк томонидан профилактик ишлар олиб борилаётганлиги сабабли “клик” тизимига ўрнатилган махфий кодни ўзгартириш лозимлигини билдириб, Э.З.дан пластик карта кодини сўраб олишга эришиб, ўша куни тунги вақтда пластик картада мавжуд бўлган 646.000 сўм пулларини “клик” тизими орқали ечиб олган.
Мазкур ҳолат юзасидан туман Ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан номаълум шахсга нисбатан Ўзбекистон Республикаси ЖК.нинг 169-моддаси 1-қисми билан жиноят иши қўзғатилиб, кечиктириб бўлмас тезкор суриштирув ҳамда тергов ҳаракатлари орлиб борилган.
Жиноят иши бўйича олиб борилган тезкор-техникавий, суриштирув ҳамда дастлабки тергов ҳаракатлари давомида ушбу жиноятни Самарқанд вилояти Каттақўрғон тумани А.Жомий кўчасида яшовчи, 1998 йилда туғилган Т.М. исмли шахс содир қилганлиги аниқланиб, ашёвий далиллар билан қўлга олинган.
Ҳозирги кунда ушбу шахснинг бошқа шу ва шунга ўхшаш фош этилмасдан қолиб келаётган виртуал жиноятларга алоқадорлигини текшириш юзасидан тергов ҳаракатлари давом эттирилмоқда.
