Германияда Тожикистон фуқароси 7 йилга қамалди

26 январь куни Дюссельдорф Олий суди Тожикистон фуқаросини "Исломий давлат" террорчилик ташкилотига аъзоликда айблаб, 7 йилга озодликдан маҳрум қилди.

"Associated Press" агентлигининг терговга асосланиб хабар беришича, 31 ёшли Равшан Б. Германия ва Aлбанияда террористик хужумлар ва бошқа хужумларни режалаштирган, улар таркибига тожикистонликлар ҳам киритилган.

Германиянинг ДПA агентлиги хабарига кўра, Тожикистон фуқароси ҳукм чиқарилишидан олдин ўз айбини қисман тан олган ва қилмишидан тавба қилганини айтган. Прокурор уни 8,5 йилга озодликдан маҳрум қилишни сўради.

Германия ҳуқуқни муҳофаза қилиш идоралари Равшан Б. 2019 йил март ойида ҳибсга олингани ҳақида хабар беришди. Бир йил ўтгач, 2020 йил апрель ойида, терговга кўра, мамлакатнинг ғарбий қисмида жойлашган Шимолий Рейн-Вестфалия минтақасининг бир нечта шаҳарларида – Эссен, Зиген, Нойс ва бошқа шаҳарларда терактлар уюштиришни режалаштирган тўрт тожикистонлик ҳибсга олинган.

Немис оммавий ахборот воситалари маҳаллий ҳуқуқ-тартибот идораларига асосланиб, Равшан Б. Сурия ва Aфғонистондаги ташкилотнинг юқори мартабали амалдорлари билан алоқаларни давом эттиргани ва ҳибсга олинган тожикистонликлар унинг кўрсатмаси билан Германиядаги AҚШ армиясининг объектларига ҳужумларни режалаштираётгани ҳақида хабар берилди. Шунингдек, Равшан Б.нинг телефони бошқа бир алоқа гуруҳига боғланган бўлиб, фойдаланувчиларга газ босими регулятори ва пайвандлаш учун елим каби икки томонлама компонентларга буюртма бериш орқали уй қурилиши бомбаларини қандай тайёрлашни маслаҳат берган.

2020 йил 17 апрелда Германиянинг нуфузли Der Spiegel газетаси веб-сайтида ҳибсга олинган тожикистонликлар тергов қилинган ишининг баъзи бошқа тафсилотлари чоп этилди. Материалда айтилишича, Равшан Б. 2019 йил январь ойида Швеция рақами билан телефонда гаплашадиган номаълум шахсдан Aлбаниядаги тадбиркорлардан бирини ўлдириш тўғрисида буйруқ олган. Ушбу қотиллик учун у 40 минг доллар олди ва Aлбанияга жўнаб кетди, лекин у ерда вазифани бажара олмади.

Der Spiegel'нинг ёзишича, Равшан Б. олинган пулларнинг ярмини ИШИДдаги "қуролли укаларига" ўтказмоқчи, қолганларини эса "катта режаларни" амалга ошириш учун сарфламоқчи бўлган. Немис нашри 20 кишидан иборат махсус тузилган тергов гуруҳи барча тўпланган материалларни ўрганиб чиқиб, Равшан Б.нинг яна тўрт шериги ҳибсга олиниши керак деган хулосага келганини таъкидламоқда.