Франция полицияси теракт уюштиришга уринишда гумон қилинган 62 ёшли мисрлик эркакни қўлга олди
ИШИД тарафдори Париж марказидаги Нотр-Дам соборида теракт уюштиришни режалаштирган.
Франция полицияси теракт уюштиришга уринишда гумон қилинган 62 ёшли мисрлик эркакни қўлга олди. Айтилишича, эркак Париждаги дунёга машҳур Нотр-Дам соборига ҳужум уюштиришни режалаштирган.
Le Journal du Dimanche ёзганидек, ҳибсга олиш 5 март куни бўлиб ўтган, бироқ бу ҳақда ҳозирча маълум бўлди. Охирги бир неча ҳафта ичида терроризмда гумон қилинган беш киши ҳибсга олинди, деди Франция ички ишлар вазири Жералд Дарманин. Барча гумонланувчилар ИШИД террорчилик гуруҳига алоқадор бўлган.
Франция Пасха байрамлари учун террорчилик хавфининг энг юқори даражасини эълон қилди. Бу ҳужум яқинда эканлигига ишонилганда содир бўлади. Полицияга мамлакатдаги ҳар бир черков олдига камида битта полициячи қўйиш тавсия қилинган.
Ўтган пайшанба куни ИШИД сўзловчиси Абу Ҳузайфа ал-Ансорий давом этаётган Рамазон ойида «ҳамма жойда насронийларга ҳам, яҳудийларга ҳам ҳужум қилиш»га чақирди.
2015 йилнинг ноябрида ИШИД террорчилари Франция пойтахтида Батаcлан концерт залида, шунингдек, ресторан ва барларда қатлиом уюштириб, 130 кишини ўлдирган, 680 дан ортиқ одамни яралаган эди.
Тахминан бир ҳафта олдин ИШИД томонидан ёлланган террорчилар Москвадаги концерт вақтида одамларга ҳужум қилиб, 130 дан ортиқ одамни ўлдирган эди. Ҳужум учун масъулиятни «Исломий давлат»нинг Афғонистондаги бўлими бўлган Хуросон Вилояти ўз зиммасига олди.
@BILD_Russian
