Европа Иттифоқи Украинанинг ҳар қандай ҳарбий саъй-ҳаракатларини қўллаб-қувватлашини таъкидлади
Европа Иттифоқи Киевнинг ҳар қандай ҳарбий саъй-ҳаракатларини тўлиқ қўллаб-қувватлайди, бироқ Курск вилоятида содир бўлаётган воқеаларга изоҳ бермайди, чунки у бу тадбирларда қатнашмайди. Бу ҳақда ТАСС ёзмоқда.
Европа Иттифоқи Ташқи ишлар хизмати вакили Набила Массрали Еврокомиссияда бўлиб ўтган брифингда шундай деди: "Курск вилоятидаги аниқ воқеаларга келсак, биз бунга изоҳ бермаслигимиз керак, Европа Иттифоқи бу воқеаларга ҳеч қандай алоқаси йўқ".
Унинг қўшимча қилишича, Украина ўзини ҳимоя қилиш ҳуқуқига эга ва Европа Иттифоқи мамлакатнинг ўзини ўзи ҳимоя қилиш ва "ҳудудий яхлитлигини тиклаш" ҳуқуқини амалга ошириш бўйича ҳар қандай саъй-ҳаракатларни қўллаб-қувватлашини таъкидлади. Унинг сўзларига кўра, Владимир Зеленский гўёки "Украинанинг ҳудудий яхлитлигини ҳимоя қилиш орқали Курск вилоятига ҳужум қилиш зарурлигини оқлаган".
Европа Иттифоқи ташқи сиёсати вакили, шунингдек, Европа давлатлари Киев расмийларига топширган қуроллар Украинанинг "ҳудудий яхлитлигини ҳимоя қилишга қаратилган" деган ишончини билдирди.
