Эрон яқин келажакда Россияга юзлаб баллистик ракеталар етказиб бериш ниятида
![Эрон яқин келажакда Россияга юзлаб баллистик ракеталар етказиб бериш ниятида Эрон яқин келажакда Россияга юзлаб баллистик ракеталар етказиб бериш ниятида](/photos/news/tGPD0vb7DW7kQ5Q.jpeg)
Бу ҳақда Reuters разведка хизматларининг исм-шарифлари тилга олинмаган икки вакилининг сўзларидан келиб чиқиб хабар берди. Бундан ташқари, Reuters манбаларининг таъкидлашича, айни пайтда Эронда бир неча ўнлаб россиялик ҳарбий хизматчилар Fath-360 қисқа масофали тактик ракета тизимларидан фойдаланиш бўйича машғулотлардан ўтмоқда. Уларнинг масофаси 30 дан 75 километргача, ракеталар 150 килограммгача бўлган жанговар каллакни олиб юришга қодир. Fath -360 сунъий йўлдош йўриқномасидан фойдаланиши мумкин.
Разведка ходимларининг тахминига кўра, Москва вакиллари Теҳрон билан Fath-360 комплекслари ва бошқа баллистик тизимларни етказиб бериш бўйича ўтган йилнинг 13 декабрида келишувга эришган.
АҚШ Миллий Хавфсизлик Кенгаши вакили, Reuters агентлигига кўра, Эроннинг Россияга ушбу тоифадаги қуролларни этказиб бериши Украинага қарши тажовузнинг кучайиши сифатида баҳоланиши ва АҚШ, шунингдек, НАТО ва G7 мамлакатлари бу ҳаракатларга «тез ва қаттиқ жавоб» беришга тайёр.