Эрдоған дунё ҳамжамиятини Исроилни тўхтатишга чақирди

Туркия президенти Ражаб Тоййиб Эрдўған Анқарага ташриф билан келган Қатар амири Шайх Тамим бин Ҳамад Ал Соний билан учрашди.

Бу ҳақда Туркия президенти маъмурияти ҳузуридаги алоқа департаменти хабарида айтилади.

💬 Икки томонлама муносабатларнинг аҳволи, Исроилнинг Фаластин ҳудудларидаги тажовузи, минтақавий ва глобал муаммолар муҳокама қилинди.

❕Суҳбат чоғида Президент Эрдўған Фаластиннинг ҲАМАС ҳаракати Сиёсий бюроси раиси Исмоил Ҳанияни ўлдириб, Исроил Ғазо секторида ўт очишни тўхтатиш ниятида эмаслигини яна бир бор намойиш қилганини таъкидлади.

❕ Туркия раҳбарининг сўзларига кўра, Анқара минтақага доимий тинчлик ва барқарорлик олиб келадиган келишувга эришиш учун саъй-ҳаракатларини давом эттирмоқда. Давлат раҳбари Туркия Қатар билан бу йўналишда самарали ҳамкорликни фаоллаштириш ниятида эканини қўшимча қилди.