ЕИ фермерларнинг норозилиги туфайли қишлоқ хўжалигига субсидиялар ажратиш тартибини ўзгартиради
Financial Times газетасининг хабар беришича, Европа Иттифоқи бу йил Европа Иттифоқи мамлакатларида бўлиб ўтган фермерларнинг норозилик намойишлари муносабати билан қишлоқ хўжалиги саноатига субсидиялар бериш тартибини қайта кўриб чиқади ва келгуси беш йил учун қишлоқ хўжалиги сиёсатини мослаштиради. Бу ҳақда ТАСС ёзмоқда.
ОАВ маълумотларига кўра, Европа комиссияси раҳбари Урсула фон дер Ляйен 4 сентябр, чоршанба куни фермерлар, тегишли нодавлат ташкилотлар, истеъмолчилар ва чакана савдо вакиллари билан муҳокама қилингандан сўнг лойиҳани тақдим этади.
Ҳужжатда айтилишича, "фермерларга таъсир қиладиган кўплаб инқирозларни ҳал қилиш учун барча даражаларда аниқ ва тезкор чоралар кўриш" зарур.
Таъкидланганидек, субсидиялар фермернинг маълум бир дақиқада қанча ёрдамга муҳтожлиги ва унинг даромади қанча эканига қараб тақсимланиши керак. Бундан ташқари, FT нашрининг хабар беришича, ушбу ҳужжат жамоаларда гўшт истеъмолини камайтириш ва чорвачиликни қисқартиришга ёрдам берадиган тавсияларни ўз ичига олади.
