CNN: АҚШ ва Буюк Британия Россияга қаттиқ санкциялар билан таҳдид қилишди

АҚШ президенти Жо Байден Оқ уйда миллий хавфсизлик бўйича маслаҳатчи Жейк Салливан ва маслаҳатчи Стив Рикчетти билан маслаҳатлашди. Улар Россиянинг «Украинага нисбатан тажовузкор ҳаракатлари»ни муҳокама қилишди, деб хабар беради CNN журналисти.

Қайд этилишича, Байден Россия қўшинларининг Украина чегараси яқинидаги позицияси, шунингдек, АҚШ ва ҳамкорларнинг Украинага эҳтимолий «босқин» атрофидаги кескинликни юмшатиш борасидаги саъй-ҳаракатлари ва Россияни жиловлаш чоралари ҳақида маълумот берилган. Байденнинг таъкидлашича, Россия SWIFT тўловлари ҳақидаги маълумотларни узатиш бўйича банклараро тизимдан узилиши ва Украинага ҳужум содир бўлган тақдирда бошқа жиддий чекловлар қўлланилиши мумкин. У маслаҳатчилар билан бу мамлакатга ёрдам сифатида қурол етказиб бериш ҳақида гапирди.

Шу билан бирга Британия Россиянинг SWIFT тизимидан узилишининг «ядровий» сценарийсини қўллаб-қувватлайди. Ғарбнинг Россияга қарши санкциялари «Шимолий оқим 2» га чекловларни истисно қилмаслиги керак, деб ишонади Бош вазир Борис Жонсон.

Газетанинг таъкидлашича, Жонсон гўёки «баъзи дунё етакчилари Украина чегарасидаги вазият ёмонлашаётганини етарлича баҳоламаслиги ёки тажовузкор Россия хавфини тўлиқ англамаслигидан қўрқишади». Жонсон G7 етакчилари билан Россияга қарши санкцияларни муҳокама қилишни режалаштирмоқда.