Бразилия собиқ президенти Лула да Силва озод қилинди

Бразилия собиқ президенти Лула да Силва озод қилинди

Жума куни Бразилиянинг собиқ президенти Луис Инасиу Лула да Силва Куритибадаги федерал полиция марказини тарк этди. Собиқ презиедент у ерда коррупция жинояти учун 19 ой қамоқда ўтирди.

Лула да Силвани муассаса дарвозалари қаршисида ишчилар партиясидаги шериклари ва кўплаб тарафдорлари кутиб олишди. Кўп ўтмай, сиёсатчи яқин атрофда ўрнатилган саҳнага чиқиб, йиғилганларга миннатдорлик нутқини сўзлади. Собиқ президент эртаси куниёқ сиёсий фаолиятига қайтишини ва Сан-Паулудаги металлурглар касаба уюшмаси билан учрашув ўтказишини айтди.

7 ноябрь куни Федерал Олий судда Силванинг ишида қонунда кўзда тутилган барча ҳолатлар бўйича апелляциялар якуний кўриб чиқилгунга қадар озод этилишига қарор қилди.

74 ёшли сиёсатчи билан учрашганлар орасида Да Силва асос солган Ишчилар партияси аъзолари, шунингдек, унинг раиси Глазй Хоффман ҳам бор эди. Собиқ президент тарафдорлари “Лула озод!“ деб олқишлашди.

Лула да Силва Бразилиянинг биринчи собиқ президенти бўлиб, у ўтган йили апрель ойида коррупция ва пул ювишда айбланиб қамалган эди. Апрель ойида Олий суд сиёсий қамоқ муддатини қарийб 13 йилдан саккиз йил-у 10 ойгача қисқартирди. Собиқ давлат раҳбари ўзига қўйилган барча айбловларни рад этди.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!