Бразилия армияси шай ҳолатга келтирилди

Бразилия армияси Венесуэланинг Гаянага бостириб кириши мумкинлиги ҳақидаги разведка маълумотларини олгач, шай ҳолатга келтирилди.

Бразилия разведкаси маълумотларига кўра, бу босқинчилик Бразилия ҳудудидан қўшинларнинг ўтишини талаб қилади. Эҳтиёткорлик мақсадида Бразилия қўмондонлиги чегарага қўшинларни фавқулодда сафарбар этишни бошлади.

5-армия дивизиясининг 16 га яқин кўп мақсадли зирҳли техникаси юқори шай ҳолатда ва Рорайма штати пойтахти Боа Вистага жойлаштирилиши керак. Кўп вазифали зирҳли техника ва пиёда аскарлардан ташқари, армия “Леопард” танкларини ҳам жойлаштирди.