Байден Путинга "ўпкасини босиб олиши кераклиги"ни тушунтирмоқчи
Россиядан "зарарли ҳаракатлар" давом этаверса, Вашингтон қасос олади. Душанба куни бўлиб ўтган брифингда Америка раҳбарининг миллий хавфсизлик бўйича маслаҳатчиси Жейк Салливаннинг айтишича, АҚШ президенти Жо Байден россиялик ҳамкасби Владимир Путин билан учрашувда ушбу масалани кўтармоқчи.
Салливан, шунингдек, икки давлат раҳбарлари ўртасидаги суҳбат Россия раҳбарининг нуқтаи назарини тинглашнинг энг самарали усули эканлигини таъкидлади. Бу, ўз навбатида, Вашингтон ва Москва ўртасидаги келишмовчиликларни тушуниш ва ҳал қилишга ёрдам беради.
Россия ва АҚШ президентларининг учрашуви 16 июнь куни Женевада бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
