Аясофя - Муҳаммад Фотиҳнинг васиятномаси
![Аясофя - Муҳаммад Фотиҳнинг васиятномаси Аясофя - Муҳаммад Фотиҳнинг васиятномаси](/photos/news/A6x6QWV0tjDD0Pq.jpeg)
Туркияда Аясофя масжидининг намоз ўқиш учун очилганига тўрт йил тўлди. Туркия президенти Ражаб Тоййиб Эрдўғон бу қарорга 21 ёшида шаҳарни забт этган Султон Муҳаммад II нинг тарихий буйруғи сабаб бўлганини таъкидлади.
«Султон Муҳаммад Фотиҳнинг тарихий фармони асосида Истанбулнинг фатҳ этилиши рамзи бўлган Аясофя масжидининг ибодат учун очилганининг 4 йиллиги билан табриклайман. Аллоҳнинг ёрдами билан Аясофянинг қайта тикланиши бутун халқ учун фойдали бўлсин», — деди Туркия президенти.
Бино тўққиз аср давомида дунёдаги энг катта ибодатхона ҳисобланган ва 1453 йилда шаҳар Султон Муҳаммад II томонидан фатҳ қилингандан сўнг Усмонлилар давлатининг бош масжидига айланган.
Тўрт йил аввал, 2020 йил 24 июль куни 86 йил ичида биринчи марта Аясофя масжидида жума намози ўқилди. Туркия ҳукумати томонидан 1934 йил 24 ноябрда зиёратгоҳга берилган музей мақоми 2020 йилда Туркия президенти Ражаб Тоййиб Эрдўғон томонидан бекор қилинди.