Аргентинада янги купюра муомалага киритилади

Аргентина Марказий Банкининг хабар беришича, юқори инфляция фонида Аргентина ҳукумати 2000 песолик янги купюрани муомалага киритишга қарор қилди.

Ҳозирда мамлакатда 1000, 500, 200, 100, 50, 20 ва 10 песолик банкноталар қўлланилмоқда. 2022 йил охирида 94,8% ни ташкил этган истеъмол нархларининг кескин ўсиши туфайли аргентиналиклар орасида энг кенг тарқалган купюралар 500 ва 1 минг песо бўлиб, кўплаб фуқаролар узоқ вақтдан бери янги купюраларни жорий этиш зарурлиги ҳақида гапириб келмоқдалар.