АҚШда даҳшатли довул: 2,7 миллиондан ортиқ одам электрсиз қолди
«Исаиас» тропик довули АҚШнинг шарқий соҳилларида 2,7 миллиондан ортиқ одамни электрсиз қолдирди. Бу ҳақда CNN хабар берди.
Довул саккиз штатни қамраб олди. Энг кўп зарар кўрган Нью-Жерси штатида 1,3 миллиондан аҳоли электрсиз қолган. Шимолий Каролинада 303 мингдан ортиқ киши, Виржиния штатида 347 мингдан ортиқ, Мэрилендда 43,8 мингдан ортиқ киши электрсиз қолган.
Бундан ташқари, 4 киши ҳалоқ бўлди.
Эслатиб ўтамиз, «Исаиас» довули 3 июль куни кечқурун Шимолий Каролинанинг қирғоқларидан бошланганди. Ҳозирги пайтда у анча заифлашган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
